Transcription
1
Monseigneur, je receuz le treziesme de ce moys votre dernière lettres, ensamble la coppie de celle
2
du roy et lordonnance quil vous a pleu faire sur icelle, que fut incontinent publiée ; et na
3
encores guyères eschauffé ce peuple à se catolizer. Je tiendray la main à la faire observer en ce
4
pays. Despuys ma dernière lettre sur laquelle jattandz voz commandementz, ceux de ceste ville
5
ont depeché home à messieurs de la court pour avoir permission de leur donner affin de
6
payer les despances faictes jusques icy, lesquelles sur ce quilz ont tousjours dict navoir
7
de quoy fournir pour le desir que jay tousjours heu et aurey au service du roy et votre. Je
8
nay espargné de payer de mes propres deniers mesmes la partie don aultresfoys vous
9
ay tenu propoz, nayant volu laisser en arrière le service de sa Majesté soubz coleur de leur
10
paovreté ; comme mesmes je ne y espargneray jamais ma propre vie ny en tout ce
11
que pour le votre particulier, je me pourrey emploier. Je leur avois persuadé de
12
se retirer à vous car crains que lesdits sieurs de la court ny veullent men toucher,
13
nestant de leur cognoissance ; et daultant que par monsieur de St Auban serés
14
amplement adverty comme les affaires de ce pays sont, je ne la ferey icy plus longue suppliant le Createur qui vous doinct
15
Monseigneur en très heureuse santé très longue et heureuse vye. De Dye,
16
ce XVIIIe octobre 1572
17
Votre très humble et très obeyssant serviteur
18
Monlehuc